काठमाडौँ, २२ मंसिर २०८२ ।
निर्वाचन आयोगमा १ सय ४३ दल दर्ता भएपनि आउँदो फागुन २१ गते हुने प्रतिनिधिसभा चुनावमा १ सय १४ वटा दलले भाग लिने भएका छन् । निर्वाचन आयोगले सार्वजनिक गरेको विवरण अनुसार १ सय १४ दलले भाग लिने भएका हुन् ।
१ सय २० वटा राजनीतिक दलले चुनावमा भाग लिन निवेदन दिएकामध्ये १ सय २ वटालाई एक्ला एक्लै र १२ वटालाई संयुक्त रूपमा प्रतिस्पर्धामा जाने निर्वाचन आयोगले जनाएको छ । निर्वाचन आयोगले ती दलहरुलाई चुनाव चिह्न समेत प्रदान गरेको छ ।
आयोगक अनुसार १२ वटा राजनीतिक दलले विभिन्न समूह बनाएर ५ वटा चुनाव चिह्न प्रयोग गरी चुनावमा भाग लिनेछन् । यस आधारमा कूल १ सय ७ वटा चुनाव चिह्न प्रदान गरिएको आयोगले जनाएको छ ।
चुनावका लागि १ सय २० निवेदन परेकोमा १३ वटा खारेज भएको छ । जसमध्ये कहिले जरिवाना बुझाउन नसकेर समेत निवेदन खारेज भएका छन् ।
