डोटी, १० चैत २०८२ ।
डोटीमा जीप दुर्घटना हुँदा दुई जनाको मृत्यु भएको छ । डोटीको आदर्श गाउँपालिका-६ रौसेल्ला भन्ने ठाउँमा भएको जीप दुर्घटनामा परी २ जनाको घटनास्थलमै मृत्यु भएको हो ।
मृत्यु हुनेमा जीप चालक आदर्श गाउँपालिका-३ काँडीस्याउलेका २२ वर्षीय सुबोध रोकाया र सोहि ठाउँका १९ वर्षीय कैलाश बिक छन् । गिरिचौकाबाट काँडीस्याउलेतर्फ आउँदै गरेको सु.प.प्र. ०१ ००१ च ३९२३ नम्बरको बोलेरो जीप घुम्तीबाट करिब ९०० मिटर तल सायली गाडमा खसेको जिल्ला प्रहरी कार्यालय डोटीले जानकारी दिएको छ ।
दुर्घटना राति करिब साँढे १२ बजेतिर भएको थियो ।
