सुजन प्रेमी सुवेदी
काठमाडौं, २७ वैशाख २०८३ ।
साझा यातायातले काठमाडौं चितवन सटल बस सुरु गरेको छ । वैशाख २६ गते शनिबारदेखि सहुलियत भाडादरमा साझाको सटल बस सेवा सुरु भएको हो ।
हरेक दिन बिहान ७ बजे र ९ बजे काठमाडौं नयाँबसपार्कबाट बस छुट्ने साझा यातयातले जनाएको छ । हाल काठमाडौंबाट गएको बस नै सोहिदिन चितवनबाट फर्कने भएपनी पछि चितवन र काठमाडौंबाट नै बस छुट्नेछ ।
एकतर्फी भाडा ५२० रुपैयाँ तोकिएको छ । केही दिनमा अनलाइन टिकट लिएर यात्रा गर्न सकिने संस्थाले जानकारी दिएको छ ।
